قاہرہ .... مصر کے مفتی ڈاکٹر شوقی علام نے دعویٰ کیا ہے کہ الاخوان دہشتگرد تنظیموں کی سردار ہے۔ الاخوان گروہ ہی نے انتہا پسندانہ افکار پوری مسلم دنیا میں پھیلایا ہے۔انہوں نے عکاظ اخبار سے گفتگو میں کہا کہ وہ انسداد دہشتگردی کے علمبردار ان عرب ممالک کی پوری قوت سے تائید و حمایت کرتے ہیں جو قطر کا بائیکاٹ کئے ہوئے ہیں۔ ان عرب ممالک کا ہدف دہشتگردی کی سرپرستی کے فتنے کو زندہ درگور کرنا ہے۔ دہشتگردی کے پنپنے پر پورے علاقے میں بے چینی اضطراب اور لاقانونیت کا طوفان برپا ہوسکتا ہے۔
