بالی وڈ کی اداکارہ دیپیکا پڈوکون کا ایک نیا اور دبنگ اندازسامنے آیاہے۔رعب دار پولیس افسر کے روپ میں ان کی تصویر سوشل میڈیا پر آتے ہی وائرل ہوگئی ۔ دیپیکا ایک اشتہار کی شوٹنگ میں مصروف ہیں جس میں انہوں نے پولیس کی وردی خاکی پتلون اور سفید قمیص پہنی ہوئی ہے اور آنکھوں پر کالا چشمہ ہے ۔ وہ ایک منفرد انداز میں دکھائی دے رہی ہیں ۔اس روپ میں اداکارہ سستانے کیلئے پولیس جیپ پر بیٹھی ہیں جہاں ان کے اردگرد اشتہار کی ٹیم کے افراد موجود ہیں۔ مداحوں میں دیپیکا کے اس دبنگ انداز کو بے حد پذیرائی مل رہی ہے۔
