Sorry, you need to enable JavaScript to visit this website.

مکہ مکرمہ:کمیونٹیز فٹبال چیمپیئن شپ کا فائنل پاکستانی کمیونٹی نے جیت لیا

                    ٹورنامنٹ میں 13 ٹیموں نے حصہ لیا ،عبدالستار بزنجو  نے’’نال ہاؤس‘‘ میں  پاکستانی ٹیم کی فتح   کی خوشی میں استقبالیہ  دیا
مکہ مکرمہ(محمد عامل عثمانی)پاکستانی کمیونٹی  اور  برما کمیونٹی کے  درمیان کھیلا گیا۔ دونوں ہاف بے نتیجہ  ہونے پر پنالٹی کک پر فیصلہ ہوا۔ پاکستانی کھلاڑیوں نے پہلے دونوں کک پر گول کئے۔برمی  ٹیم  کے پنالٹی ککز پاکستانی گول کیپر ولید اسحاق بزنجو  نے مد مقابل کے دونوں بال روک لئے جسکے نتیجے میں پاکستان 2 گول سے جیت کر کمیونٹیز ٹرافی  مخطط الزایٔدی  کے  میدان میں اپنے نام کرلی ۔ کمیونٹی ٹورنامنٹ  (بطولۃ الجالیات )  کے لئے 18  ٹیموں کو کھیلنا تھا   ان میں سے کچھ ٹیمیں دستبردار ہوگئیں اور  آخرمیں ٹورنامنٹ کھیلنے کیلئے 13 ٹیمیں رہ گئیں۔پاکستان  ،یمن  ،  ایتھوپیا  ،  نائیجیریا  ،  مصر،  برما ،  نائیجر ،  افغانستان ،  سوریا، مالے،  سوڈان ، بنگلہ دیش ،  تھائی لینڈ کی ٹیمیں  میدان میں اتری تھیں  ۔مکہ مکرمہ میں ہر سال کمیونٹی ٹورنامنٹ  ( بطولۃ الجالیات ) کا اہتمام ہوتا ہے اور    یہ 9  ویں  فٹبال چیمپیئن شپ تھی ۔ میچز 16 جمادی الاول کو  پاکستان  و  یمن کے درمیان  اور  نائیجیریا  و  بنگلہ دیش کے مقابلہ  سے شروع کئے گئے  تھے۔  تمام  ٹیموں کو  3 گروپوں میں تقسیم کرکے آپس میں مقابلہ کرائے گئے۔ تفصیلات کے مطابق پاکستانی ٹیم نے اس ٹورنامنٹ میں کل  5  میچز کھیلے ہیں  جو  ناقبل شکست رہے ۔  یمن 0 / 0 پاکستان   برابر  ،  بنگلہ دیش 4 / 1   پاکستان  ،  مالے  1 / 0،    پاکستان  ،  نائیجیریا  2 / 0 ، پاکستان  پنالٹی ککز اور  برما   2 / 0  پاکستان  پنالٹی ککز (  فائنل )۔ بعد ازاں  پاکستانی کمیونٹی  ( صوبہ بلوــچستان )کے معروف شخص عبدالستار  بزنجو  نے  " نال ہاؤس  "  میں  پاکستانی ٹیم کے فتح کی خوشی میں پاکستان کمیونٹی کی ٹیم  اور ہم وطنوں کوپر تکلف استقبالیہ دیا جس میں  عبدالحق مہران بزنجو  ،  عبدلصمد مہران بزنجو ،  محمود محمد  ہارون   بزنجو  ،  عبدالواحد بزنجو  ،عثمان میرلال بزنجو  ،  عبید میر لال بزنجو  ، عبدالرحمان  علی محمد بزنجو  ،  ابراہیم  علی محمد بارانزیٔی ،  علی محمود  محمد ہارون بزنجو  اور  دیگر نے شرکت کی  ۔  میزبان نے منظم  (سرپرست )   ٹورنامنٹ  علی السفیانی   ،   یوسف رمضان بخش   ( منیجر )  ،   یونس بزنجو  (نائب  منیجر )  اور   احمد ابوبکر بخش  (کوچ  /  مدرب  ) کا  پاکستان کمیونٹی کی ٹیم  کو منظم اور متحرک کرنے پر شکریہ ادا کیا۔   فائنل کھیلنے  والے کھلاڑیوں میں  خلیل بخش   (کیپٹن) ،    ولید اسحاق  (گول کیپر)،   ماجد جمعہ، ہارون محمد،    ماجد غفور ، خالد خان ،   ابراہیم میر، عبداللہ اکبر ، امین منظور ،  مازن ایوب  اورماجدجاوید شامل تھے  ۔   ا  ضافی کھلاڑیوں  میں جو  اسی ٹورنامنٹ  میں  شامل رہے۔ ان میں محمد عبدالقادر ، عبداللہ حمد، عبداللہ خمیس ،    غلام قادر،  حمید مبارک ،   احمد کا لو،    محمدجاوید، محمود بخش ،  ابراہیم اسماعیل  شامل ہیں  ۔
     
 

شیئر: