امارات میں شدید دھند، وارننگ جاری
ابوظبی: امارات میں جمعرات اور جمعہ کی درمیانی شب شدید دھند ہوگی۔ محکمہ موسمیات نے کہا ہے کہ دھند کے باعث حد نگاہ ایک ہزار میٹر تک محدود ہوگی۔ ساحلی اور وسطی علاقوں میں حد نگاہ اس سے زیادہ متاثر ہوگی۔
گاڑیوں پر سفر کرنے والے انتہائی محتاط رہیں جبکہ دھند کے وقت ہائی وے کا سفر نہ کیا جائے۔ دھندجمعرات اور جمعہ کی درمیانی شب رات12سے جمعہ کی صبح 9بجے تک رہے گی۔
