رکن پنجاب اسمبلی اداکارہ کنول نعمان مستعفی
لاہور... مسلم لیگ ن کی رکن پنجاب اسمبلی اور اداکارہ کنول نعمان نے اسمبلی رکنیت سے استعفیٰ دے دیا۔اپنے استعفے میں کنول نعمان نے پارٹی قیادت کی جانب سے مسلسل نظر انداز کئے جانے کا ذکر کرتے ہوئے کہا کہ 10 سال تک پارٹی کے ساتھ کھڑی رہی اور حق نمک ادا کیا۔وزیراعلیٰ پنجاب شہباز شریف کو بھجوائے جانے والے استعفے میں ن لیگی رکن پنجاب اسمبلی نے کہا کہ آپ کی وجہ سے پارٹی میں شمولیت اختیار کی مگر آپ کی جانب سے وقت نہیں دیا گیا۔انہوں نے کہا کہ میرے کچھ تحفظات تھے جنھیں مسلسل نظر انداز کیا گیا۔ بوجھل دل کے ساتھ اسمبلی رکنیت سے استعفیٰ دے رہی ہوں۔
