بلوکی اور حویلیاں پاور پلانٹس کی نجکاری پر غور
اسلام آباد... حکومت کی طرف سے سینیٹ کوبتایاگیا ہے کہ بلوکی اور حویلیاں پاور پلانٹس کی نجکاری زیر غور ہے ۔ وزیر برائے نجکاری کمیشن محمد میاں سومرو نے بتایا کہ گزشتہ 5 سالوں کے دوران 5نجکاری کی کارروائیوں کو کامیابی سے مکمل کیا گیا ۔ انہوں نے بتایا کہ فی الحال2 پاور پلانٹس بلوکی اور حویلیاں پاور پلانٹس کی نجکاری زیر غور ہے ۔ انہوں نے کہا کہ صرف نجکاری کمیشن فیصلے نہیں کرتا ۔ متعلقہ وزارتیں بھی اپنی سفارشات دیتی ہیں ۔نجکاری سے حاصل ہونے والے پیسے وزارت کو چلے جاتے ہیں۔