منہ کی بدبو دور کرنے کے لیے کیا کریں ؟
منہ سے بدبو کا آنا انسان کی سماجی زندگی کو بری طرح متاثر کرتاہے . انسان دوسرے سے بات کرتے ہوئےکتراتا ہے اورخود اعتمادی چکناچور ہوکر رہ جاتی ہے . انسان معاشرے سے کٹ جاتا ہے اور اسکی بات چیت کی صلاحیت مسدودہوجاتی ہے . اکثر اوقات بار بار برش کرنے سے بھی منہ کی بدبو ختم نہیں ہوتی . دراصل یہ معدے کی خرابی کی وجہ سے ہوتا ہے . معدے میں تیزابیت ، بیکٹیریا کی افزائش اور معدے کے دیگر مسائل منہ میں بدبو کا سبب بنتے ہیں . اس پریشانی سے نجات حاصل کرنے کا بہترین طریقہ یہ ہے کہ امرود کے پتے اچھی طرح چبا چبا کر انکا رس پیئیں . پتے نہ کھائیں بس منہ میں رکھ کر چباتے رہیں اس طرح رس حلق میں گرتا رہےگا . اسکے علاوہ باہر کے کھانوں ، تلی ہوئی چیزوں ، مرچ مصالحوں والی غذائیں اور بادی چیزوں سے پرہیز کریں . نیم کی مسواک کریں . سہاگہ توے پر بھون پر پیس کر سفوف بنا کر شہد میں ملا کر دانتوں اور مسوڑھوں پر لگائیں . اسکے علاوہ سونف ، پودینہ اور الائچی کو ڈیڑھ پیالی پانی میں ابالیں . جب ایک پیالی رہ جائے تو پی لیں . ہر کھانے کے بعد یہ پانی پینے سے بہت جلد افاقہ محسوس ہوگا .
