ریاض کے قیدیوں کی رہائی کا شاہی فرمان

ریاض ۔۔۔ خادم حرمین شریفین شاہ سلمان بن عبدالعزیز نے ریاض ریجن میں ترقیاتی منصوبوں کے افتتاح کی خوشی میں ریجن کے ایسے تمام نادار قیدیوں کی رہائی کا حکم دیدیا جو حقوق مقدمات میں قید و بند کی زندگی گزار رہے ہیں۔ ان پر فوجداری کے مقدمات نہیں ۔ اس شاہی رعایت سے ایسے قیدی فیض یاب ہونگے جن پر 10لاکھ ریال سے زیادہ قرضے نہیں ہونگے اور باقاعدہ طور پر یہ ثابت ہوجائیگا کہ وہ صحیح معنوں میں دیوالیہ ہیں۔ ان پر قرضے سرکاری خزانے سے ادا کئے جائیں گے۔