حرمین شریفین میں نیوزی لینڈ کے شہداءکی غائبانہ نماز جنازہ

مکہ مکرمہ ۔۔۔ مسجد الحرام مکہ مکرمہ اور مسجد نبوی شریف مدینہ منورہ میں نماز جمعہ کے بعد نیوزی لینڈ کی مساجد پر دہشتگرد انہ حملوں میں جاں بحق ہونے والوں کی غائبانہ نماز جنازہ ادا 

کی گئی۔ حرمین شریفین جنرل پریذیڈنسی نے ایک وڈیو جاری کی ہے جس میں دیکھا جاسکتا ہے کہ امام الحرم شیخ ڈاکٹر ماہر المعیقلی نیوزی لینڈ کی مسجدوں کے شہداءکی غائبانہ نماز جنازہ پڑھا رہے ہیں۔

 وڈیو میں موذن حرم شیخ حماد بکری یہ اعلان کرتے ہوئے دیکھے اور سنے جاسکتے ہیں کہ نیوزی لینڈ کی مساجد کے شہداءکی غائبانہ نماز جنازہ ادا کی جارہی ہے۔ شریک ہوجائیں۔ اللہ تعالیٰ ان پر اپنا فضل و کرم فرمائے اور آپ لوگوں پر نماز جنازہ پڑھنے پر اجر و ثواب سے نوازے۔