مکہ میں گردو غبار کا طوفان

مکہ ریجن میں جمعرات کو گردو غبار کے طوفان سے اندھیرا چھا گیا جس کے باعث حد نظر انتہائی کم ہو گئی۔ 

سبق ویب سائٹ کے مطابق روڈ سکیورٹی فورس نے شاہراہوں سے سفر کرنے والوں کو کہا ہے کہ وہ گاڑیاں احتیاط سے چلائیں۔ ہیڈ لائٹس آن رکھیں اور گاڑی تیز رفتاری سے نہ چلائیں۔

روڈ سکیورٹی فورس کی جانب سے جاری بیان میں کہا گیا ہے کہ خصوصاً ینبع اور مدینہ روڈ کے مسافر زیادہ احتیاط سے کام لیں۔

فورس کی جانب سے یہ بھی کہا گیا ہے کہ اکثر لوگ اس موسم میں بھی تیز رفتاری کا مظاہرہ کرتے ہیں جو بڑے حادثے کا باعث بن سکتا ہے اس لیے انتہائی پرسکون انداز میں گاڑی چلائی جائے۔                        

خود کو اپ ڈیٹ رکھیں، واٹس ایپ گروپ جوائن کریں