امریکہ کے اقدام سے امن عمل متاثر ہو گا، عال الجبیر
قاہرہ: سعودی وزیر خارجہ عادل الجبیر نے کہا ہے کہ سعودی عرب نے اس سے قبل امریکہ کو بیت المقدس کو اسرائیل کا دار الحکومت تسلیم کرنے کے خطرناک نتائج سے آگاہ کردیا تھا۔ بیت المقدس کی متنازعہ حیثیت کو امن مذاکرات کے ذریعہ حل کرنے سے پہلے اس کے متعلق یکطرفہ اقدام مسئلے کو سلجھانے کے بجائے مزید الجھادے گا۔
علاوہ ازیں اس طرح کے اقدام سے نہ صرف مسلمانوں کے جذبات مجروح ہوں گے بلکہ امریکہ کی جانبداری بھی عیاں ہوگی۔ وہ قاہرہ عرب لیگ کے وزرائے خارجہ کے ہنگامی اجلاس سے خطاب کر رہے تھے۔ انہوں نے کہا امریکہ کے اس اقدام سے امن عمل بھی متاثر ہوگا۔ ہم اردن کے شکر گزار ہیں جس کی دعوت پر آج عرب لیگ کے وزرائے خارجہ کایہ ہنگامی اجلاس منعقد ہواہے۔ سعودی عرب ، امریکہ کے اقدام کی مذمت کرتے ہوئے اسے عالمی قراردادوں کے خلاف سمجھتا ہے۔
بیت المقدس تازہ ترین، یہاں کلک کریں