الاخدود میں کھدائی کے دوران قدیم سکے اور مہریں دریافت

نجران.... سعودی ماہرین آثار قدیمہ نے معروف تاریخی مقام الاخدود میں کھدائی کے دوران ایک ہزار سے زیادہ سکوں ، معدنیاتی مہروں اور منقش پتھروں پر مشتمل گولک دریافت کئے ہیں ۔ پتھروں پر پہلی صدی عیسوی سے تعلق رکھنے والے رسم الخط المسند الجنوبی کے نقوش کندہ ہیں۔ اس تاریخی انکشاف سے ا ن دعوﺅں کی تصدیق ہورہی ہے جن میں کہا گیا تھا کہ نجران ریجن میں واقع الاخدود کا علاقہ اپنے دور کا انتہائی اہم علاقہ تھا یہاں سیاسی ، سماجی اور تمدنی ترقی نقطہ عروج پر پہنچی ہوئی تھی۔ نجران کا علاقہ 100 سے زیادہ تاریخی مقامات سے مالا مال ہے۔