کویت ۔۔۔۔کویت کے کبد علاقے میں شیر کی چہل قدمی نے مقامی باشندوں میں خوف و ہراس کی لہر دوڑادی۔ کویتی جریدے الانبا ء نے یہ اطلاع دیتے ہوئے واضح کیا کہ شیر کو گاڑیوں کے آس پاس گھومتے ہوئے دیکھ کر ٹریفک جام ہوگیا۔ راہگیروں میں خوف و ہراس کی لہر دوڑ گئی۔ محکمہ زراعت نے اپنے اہلکاروں کی مدد سے مفرور شیر کو قابو کرکے چڑیا گھر پہنچا دیا۔ ایک اطلاع یہ ہے کہ شیر کسی مقامی شہری کا ہے اب اس کی تلاش جاری ہے۔ سوشل میڈیا پر شیر کی وڈیو کلپ وائرل ہوگئی۔