14 ہزارافرادکی جرمنی میں داخلے کی کوشش!

برلن ۔۔۔ جرمنی میں 2018ءکے دوران 14 ہزار سے زائد تارکین وطن نے غیر قانونی طور پر ملک میں داخل ہونے کی کوشش کی۔جرمن جریدے کے مطابق ان ہزاروں تارکین وطن کی بہت بڑی اکثریت نے جرمنی کی آسٹریا کے ساتھ سرحد پار کر کے اس ملک میں داخلے کی کوشش کی۔ پولیس کے مطابق ان تارکین وطن میں درجنوں مختلف ممالک کے شہری شامل تھے لیکن ایک بہت بڑی تعداد کا تعلق افغانستان، نائجیریا، عراق، شام اور ترکی سے تھا۔ ان غیر ملکیوں کو سرحدوں پر شناختی دستاویزات کی خصوصی نگرانی کے دوران ویزا نہ ہونے پر جرمن پولیس نے واپس بھیج دیا۔