کئی علاقوں میں اتوار کو گرج چمک کے ساتھ بارش کا امکان

سعودی محکمہ موسمیات نے اتوار کو مملکت میں موسم کے حوالے سے پیشگوئی جاری کی ہے۔

عاجل ویب سائٹ کے مطابق موسمیات کے قومی مرکز نے بیان میں کہا  کہ’ اتوار کو سعودی عرب کے جنوب مغربی اور مغربی علاقوں میں گرج چمک کے ساتھ بارش کا امکان ہے‘۔

قومی مرکز کا کہنا ہے کہ ’اتوار کو مملکت میں سب سے زیادہ درجہ حرارت 42 سینیٹی گریڈ مکہ مکرمہ اور دمام میں ہو گا جبکہ سب سے کم درجہ حرارت 17 سینیٹی گریڈ ابہا اور القریات میں رہے گا‘۔

سنیچر کو عید کے تیسرے مملکت کے مختلف علاقوں میں تیز ہواوں اور گرج چمک کے ساتھ بار ش اور ژالہ باری کی اطلاعات ہیں۔ نجران، جازان اور عسیر کے علاوہ باحہ اور مکہ کے پہاڑی علاقوں میں بار ش ہوئی ہے۔

قصیم، ریاض، حائل، اشرقیہ، حدود شمالیہ اور الجوف سے بھی گرج چمک کے ساتھ اطلاعات ہیں۔