Sorry, you need to enable JavaScript to visit this website.

سائیکلنگ کرتے ہوئے خواتین کی تصاویر بنانے والا شہری گرفتار

خواتین سے بدکلامی بھی کی جو اسلامی آداب و اخلاق کےمنافی ہے۔ ( فوٹو عاجل)
 سعودی عرب میں ریاض ریجن کے پولیس ترجمان میجرخالد الکریدیس کا کہنا ہے کہ خواتین کے ساتھ بدکلامی کرنے اور ان کی تصویر بنانے والے شخص کوگرفتار کیا گیا ہے۔
سعودی خبررساں ایجنسی ایس پی اے کے مطابق ریجنل پولیس ترجمان میجر الکریدیس کا مزید کہنا تھا کہ ملزم سعودی شہری ہے کہ جو نجی کمپنی میں سیکیورٹی گارڈ کے طورپرخدمات انجام دیتا ہے۔ 
ملزم نے خواتین کے ایک گروپ کی اس وقت تصاویر بنائی جب وہ سائیکلنگ کررہی تھیں۔ تصاویر بنانے کے بعد اس نے خواتین سے بدکلامی کی جو اسلامی آداب و اخلاق کےمنافی ہے۔ 
میجر خالد الکریدیس نے بتایا کہ ملزم کے بارے میں شکایت موصول ہونے کے بعد اسے شناخت کرنے گرفتار کیا گیا۔ ایف آئی ار درج کرکے اسے متعلقہ تفتیشی ادارے کے سپرد کردیا گیا ہے۔  

شیئر: