امارات میں کورونا کے نئے 66 مریض، 83 شفایاب
جمعرات 18 نومبر 2021 22:36
کورونا سے متاثر کسی شخص کی موت واقع نہیں ہوئی- (فوٹو الامارات الیوم)
متحدہ عرب امارات کی وزارت صحت نے کہا ہے کہ گزشتہ 24 گھنٹے کے دوران کورونا وائرس کے 66 نئے مصدقہ کیسز ریکارڈ پر آئے ہیں- مزید 83 متاثرین شفایاب ہوگئے ہیں-
اماراتی خبررساں ادارے وام کے مطابق گزشتہ چوبیس گھنٹے کے دوران کورونا وائرس سے متاثر کسی بھی شخص کی موت واقع نہیں ہوئی-
وزارت صحت کاکہنا ہے کہ پورے ملک میں کورونا کے ٹیسٹ کا سلسلہ بڑے پیمانے پر جاری ہے- اس ضمن میں 291977 ٹیسٹ کیے گئے ہیں-
وزارت صحت کا کہنا ہے کہ امارات میں کورونا متاثرین کی کل تعداد 7 لاکھ 41 ہزار 214 تک پہنچ گئی جبکہ شفا پانے والوں کی تعداد 7 لاکھ 35 ہزار 899 ریکارڈ کی گئی ہے- وائرس سے ہلاک ہونے والوں کی تعداد 2 ہزار 144 ہے-
امارات کی خبروں کے لیے ”اردو نیوز یو اے ای“ گروپ جوائن کریں