رائل انسٹیٹیوٹ آف ٹریڈیشنل آرٹس کے بورڈ آف ٹرسٹیز کی اعزازی صدارت

 سعودی ولی عہد نائب وزیراعظم و وزیر دفاع شہزادہ محمد بن سلمان نے رائل انسٹیٹیوٹ آف ٹریڈیشنل آرٹس کے بورڈ آف ٹرسٹیز کی اعزازی صدارت قبول کرلی ہے۔

سرکاری خبر رساں ایجنسی ایس پی اے کے مطابق وزیر ثقافت شہزادہ بدر بن فرحان نے اس پر ولی عہد کا شکریہ ادا کرتے ہوئے کہا کہ’ آپ کی سرپرستی کی بدولت ثقافتی ادارہ اپنے فرائض احسن طریقے سے پورے کر سکے گا‘۔

انہوں نے کہا کہ’ یہ ادارہ ملکی اور بین الاقوامی سطح پر سعودی عرب کے روایتی آرٹس کو فروغ دے گا اور اس سلسلے میں اپنی پہچان بنائے گا‘۔  

وزیر ثقافت نے مزید کہا کہ ’ملک کی اعلی قیادت ثقافتی اداروں کی سرپرستی کر رہی ہے، اس میں آرٹ کا شعبہ شامل ہے‘۔