جازان میں 70 کلو چرس ضبط، دو افراد گرفتار
جمعرات 25 نومبر 2021 11:10
’مذکورہ گاڑی کی تلاشی لی گئی تو اس کے خفیہ خانوں سے چرس برآمد ہوئی ہے‘ (فوٹو: سبق)
جازان پولیس نے دو افراد کو گرفتار کیا ہے جن کے قبضے سے 70 کلو حشیش ضبط ہوئی ہے۔
سعودی پریس ایجنسی کے مطابق گرفتار شدگان میں سے ایک سعودی شہری جبکہ دوسرا یمنی تارک ہے۔
جازان ریجن پولیس نے کہا ہے کہ ’العیدابی کمشنری پولیس نے شک کی بنیاد پر ایک گاڑی کو روکا تھا۔‘
پولیس نے کہا ہے کہ ’مذکورہ گاڑی کی تلاشی لی گئی تو اس کے خفیہ خانوں سے چرس برآمد ہوئی ہے۔‘
’تفتیش کے دوران گرفتار شدگان نے جرم کا اقرار کرتے ہوئے کہا ہے کہ وہ جازان میں چرس سپلائی کرنے کا کام کرتے ہیں۔‘
’ضابطے کی کارروائی مکمل کرنے کے بعد گرفتار شدگان کو ضبط شدہ چرس سمیت ادارہ انسداد منشیات کے حوالے کیا گیا ہے۔‘
مملکت عرب دنیا میں سونے کے کاروبار میں سرِ فہرستNode ID: 621431
خوبصورت عربی النسل گھوڑوں کی بین الاقوامی نمائش سعودی عرب میںNode ID: 621436
