پاکستان فلم اور ڈرامہ انڈسٹری کے معروف اداکار افضال احمد جمعے کو پنجاب کے شہر لاہور میں انتقال کر گئے ہیں۔
لاہور جنرل ہسپتال کی اتنظامیہ نے ان کی موت کی تصدیق کرتے ہوئے کہا ہے کہ افضال احمد پچھلے کچھ عرصے سے فالج کا شکار تھے اور انہیں برین ہیمبرج کے باعث تشویشناک حالت میں سپتال منتقل کیا گیا تھا۔
مزید پڑھیں
-
کیا فٹ بال ورلڈ کپ کے بعد رونالڈو اور میسی کلب بدلنے والے ہیں؟Node ID: 722761
پنجاب کے وزیر اعلیٰ چوہدری پرویز الٰہی نے بھی افضال احمد کی موت پر افسوس کا اظہار کرتے ہوئے کہا ہے کہ اداکار نے اردو اور پنجابی فلموں میں اپنے فن کا سکہ جمایا اور وہ اپنے پیچھے لازوال اداکاری کے انمٹ نقوش چھوڑ گئے ہیں۔
سوشل میڈیا پر بھی صارفین افضال احمد کی اداکاری کو یاد کرتے ہوئے ان کی موت پر دکھ کا اظہار کر رہے ہیں۔
Afzaal Ahmed bid farewell to this world due to paralysis.#AfzaalAhmed started his acting career in the 1970s with the movie Dhiyan Namanian.
He is best known for his work in International Gorillay, Aakhri Muqabala, and Jatt in London (1981).#RIP pic.twitter.com/ZYfZXDb3zZ
— Rai M. Azlan (@Mussanaf) December 2, 2022
امین رحمان نے اپنی ایک ٹویٹ میں ان کی موت کو ایک ’دکھ بھری‘ خبر دیتے ہوکہا کہ ’افضال احمد اپنے آپ میں ایک ادارہ تھے اور ان کی ڈائیلاگ ڈیلیوری عمدگی کی مثال ہوا کرتی تھی۔‘
Another sad news…. The Legendary Afzaal Ahmed also passed away. He was an institution in himself. Dialogue delivery par excellence. pic.twitter.com/Yg6CM9ISvd
— Amin Rehman (@AmeinRehman) December 2, 2022
دوسری جانب کچھ سوشل میڈیا صارفین افضال احمد کو علاج کی اچھی سہولیات نہ دینے پر حکومتی حکام سے بھی ناراض نظر آرہے ہیں۔
احمد فرہاد نامی صارف نے سپتال میں افضال احمد کی ایک تصویر شیئر کرتے ہوئے لکھا کہ ’پنجاب کے دارالحکومت اور منی پیرس میں یہ صاحب اسلوب اور لیجنڈ اداکار افضال احمد کا حال ہے جنہیں سخت ایمرجنسی میں بھی ایک دوسرے مریض کے ساتھ لٹایا گیا ہے۔‘