04 اگست ، 2019
انڈین حکومت نے امن و امان کے خطرے کے پیش نظر یاتریوں اور سیاحوں کو کشمیر چھوڑنے کی ہدایات جاری کی ہیں۔انڈین سیکورٹی فورسز کے اہلکار جموں سری نگر نیشنل ہائی وے پر مسافروں کے سامان کی تلاشی لے رہے ہیں۔
انڈین حکومت کی جانب سے غیر ملکی سیاحوں کو کشمیر چھوڑنے کی ہدایت کے بعد بیلجیم سے آئی یہ سیاح خواتین سری نگر سے نکلنے کے لیے تیار ہیں۔
انڈیا نے کلسٹر بم حملے کی تردید کرتے ہوئے کہا ہے کہ پاکستان کشمیر میں جاری شدت پسندی سے توجہ ہٹانے کے لیے ایسے حملوں کا الزام انڈیا پر لگا رہا ہے۔پاکستان نے اقوام متحدہ سے نوٹس لینے کی اپیل کی ہے۔
پاکستانی فوج نے کہا ہے کہ انڈین فورسز نے کلسٹر بموں سے شہری آبادی کو نشانہ بنایا ہے جو بین الاقوامی قوانین کی خلاف ورزی ہے۔ اس تصویرمیں ایک پاکستانی شہری وادی نیلم کے سلخالا گاؤں میں ایک گھر پر ہونے والی شیلنگ دکھا رہا ہے۔
انڈین حکومت نے غیر ملکی سیاحوں کو بھی فی الفور سری نگر چھوڑنے کا حکم دیا ہے ۔ اس وارننگ کے بعد غیر ملکی سیاح سری نگر کی مشہور ڈل جھیل پر ایک کشتی سے نکل رہے ہیں۔
انڈیا کو خدشہ ہے کہ شدت پسند ملک کے مختلف حصوں سے شیوا کے غار میں پوجا کے لیے آنے والے یاتریوں اور پنڈتوں پر حملہ کر سکتے ہیں۔ ہندو یاتری حکومتی وارننگ کے بعد امرناتھ میں ہندو دیوتا شیوا کے غار سے باہر نکل رہے ہیں۔
