انڈیا کے ایوان بالا میں کشمیر کی خصوصی حیثیت ختم کرنے کی تجویز پر مشتمل آئینی بل پیش کرنے اور نریندر مودی کے اس پر پہلے سے دستخط کرنے پر نہ صرف کشمیر بلکہ انڈیا میں بھی سخت ردعمل آیا ہے۔ انڈیا کے زیر انتظام کشمیر میں گزشتہ روز سے کرفیو نافذ ہے اور کشمیری رہنماؤں کو نظربند کیا گیا ہے۔ انٹرنیٹ اور ٹیلی فون کی سہولیات بھی معطل ہیں۔
یاد رہے کہ پاکستانی فوج کے شعبہ تعلقات عامہ آئی ایس پی آر نے دعویٰ کیا تھا کہ انڈین فوج نے 30 اور 31 جولائی کی رات وادی نیلم میں معصوم شہریوں بشمول عورتوں اور بچوں کو نشانہ بنایا، جس کے بعد سے کشمیر ایک مرتبہ پھر کشیدگی کی لپیٹ میں ہے۔
ادھر انڈیا نے دعویٰ کیا تھا کہ جمعے کو پاکستانی فوج کی پشت پناہی میں شدت پسندوں نے ہندو زائرین پر حملے کا منصوبہ بنایا تھا جن کو انڈین سیکورٹی فورسز نے جوابی کاروائی میں ہلاک کر دیا۔ پاکستان نے انڈیا کے اس دعوے کو ’پروپاگینڈا‘ قرار دیتے ہوئے مسترد کیا تھا۔
تصاویر: اے ایف پی