فلم کیسی چل رہی ہے؟ نواز شریف

لاہور.... سابق وزیراعظم نواز شریف نے کہا ہے کہ ماضی میں ایک فلم کی بہت پبلسٹی ہوئی کچھ دنوں بعد کسی نے کہا کہ فلم کیسی چل رہی ہے؟ ڈائریکٹر نے کہا کہ پہلے ہفتے زبردست چلی مگر دوسرے ہفتے زبردستی چلانی پڑرہی ہے۔انہوں نے احتساب عدالت کے باہر میڈیا سے گفتگو میں کہا کہ سمجھ میں نہیں آرہاکہ میرے خلاف کیس کیا ہے؟ اس کیس میں کچھ بھی نہیں ہے۔مخالفین انتظار کریں انتخابات کا فیصلہ عوام کرینگے۔حکومتی مدت میں ابھی5 ماہ باقی ہیں۔