سبز رنگ تناؤ کی کیفیت کو ختم کرتا ہے

سبز رنگ منفی تاثر کو ختم کرنے میں اہم کردار ادا کرتا ہے .  یہ رنگ سکون کی علامت ہے اور ذہنی آسودگی فراہم کرتا ہے  . سبز رنگ زندگی ،  قدرتی حسن اور توانائی سے بھرپور رنگ ہے جو نشونما  ، ہم آہنگی  ، تازگی  اور تحفظ کا احساس فراہم کرتا ہے .  روایتی طور پر اس رنگ کو پیسے  ، جذبات ،  جنون اور لالچ سے منسلک کیا جاتا ہے .  انسانی آنکھ کے لئے سب سے زیادہ سکون فراہم کرنے والا رنگ  سبزہی مانا جاتا ہے  . یہ بصارت کو بہتر بنانے میں بھی مدد دیتا ہے .  یہ رنگ امید کا رنگ ہے جو  ذہنی اور جسمانی تھکن اور ذہنی دباؤ کو دور کرنے میں  اہم کردار ادا کرتا ہے .  یہی وجہ ہے  کہ   سبزہ ،  باغ اور گل و گلزار  اگر آپ کے اردگرد موجود ہیں  تو آپ وہ سکون محسوس کرتے ہیں جسکا اظہار الفاظ میں نہیں کیا جا سکتا .    اسکے بر عکس  بھڑکیلے رنگ جذبات میں اشتعال پیدا کرتے ہیں ..  لہذا ذہنی آسودگی کے لئے  روزانہ کچھ وقت کسی باغ یا  سبزہ زار میں چہل قدمی ضرور کریں .  گھر میں پودے لگائیں  اور  دن میں کچھ وقت ان کی دیکھ بھال کے لیے صرف کریں .  اپنے اردگرد موجود اشیا میں سبز رنگ کا اضافہ کریں  . یہ چیز یں  آپ کے اندر ایک مثبت تاثر کو جنم دیں  گی .