طائف .... شاہ فیصل جنرل اسپتال کے ڈاکٹروں کی ٹیم نے 10 ماہ کے بچے کی سانس کی نالی میں پھنس جانے والی پن نکال لی ۔ پن 7 سینٹی کی تھی جو بچے کے دل کے قریب پہنچ چکی تھی ۔ سبق نیوز کے مطابق شاہ فیصل جنرل اسپتال میں ایک شیر خوار بچے کو لایا گیا جس کے والدین نے بتایا کہ پن بچے نے نگل لی ہے ۔ ڈاکٹروں نے فوری طور پر بچے کا طبی معائنہ کیا اور پن کی لوکیشن دریافت کرنے کے بعد اینڈواسکوپی کے ذریعے پن نکالنے میں کامیاب ہوگئے ۔ ا س ضمن میں ڈاکٹر کا کہنا تھا کہ والدین کم سن بچوں کے بارے میں لاپروائی نہ برتیں ۔ بچوں کے اطراف ایسی اشیاءنہ رکھیں جو وہ منہ میں لے سکیں ۔ اگرکوئی ایسا واقعہ ہو توفوری طور پر اسپتال سے رجوع کریں ۔
