سردرد بھگانے کے آسان نسخے

"اف یہ سر درد"  یہ    کاموں میں رکاوٹ ڈالنے والا ایک عام سا مسئلہ جو کسی بھی وقت مشکل کا باعث بن جاتا ہے ۔ لیکن پریشان نہ ہوں ماہرین طب نے سردرد سے نجات کے آسان نسخے ڈھونڈ نکالے ہیں ۔ ادرک کی خوشبو سردردکاعلاج ہے  . کھانے میں ادرک کا استعمال بڑھا دیں سردرد کی چھٹی ہو جائے گی ۔ ادرک  کی چائے پینے سے سردرد رفو چکر ہو جاتا ہے ۔ ماتھے پر ادرک ملے نیم گرم پانی کی مالش کرنے سے بھی درد ختم ہو جاتا ہے ۔ 

پیپرمنٹ آئل کی مالش سردر سے نجات کا ایک اور نسخہ ہے ۔ اس آئل کے چند قطرے ناریل کے تیل میں ملا کر ماتھے پر ہلکی مالش کرنے سے آرام ملتا ہے ۔ اس کی خوشبو بھی سر درد میں کمی کا باعث بنتی ہے ۔ 

سیب کے سرکے سے کون واقف نہیں .  اس میں قدرت نے بہت سے شفا رکھی ہے یہ سر درد سمیت کئی بیماریوں کا گھریلو علاج ہے ۔ فوری طور پر علاج کیلئے اس سرکے  کی بھاپ لی جاسکتی ہے .  جبکہ شہد کے ساتھ آٹھ اونس پانی میں ملا کر دن میں ایک یا دو اونس پانی پینے سے سر درد میں آرام ملتا ہے ۔

ایک عجیب اور حیران کن بات یہ ہے کہ پانی بھی سر درد کا آسان علاج ہے ۔ یہ سر درد  کو راستے میں ہی پکڑ لیتا ہے .  جیسے ہی سر درد محسوس ہو پانی کا گلاس لیں اور چسکیاں لینا شروع کردیں . جلد آرام آجائے گا .