ن لیگ کو آئندہ حکومت نہیں بنانے دونگا،زرداری

لاہور... پیپلز پارٹی کے شریک چیئرمین آصف علی زرداری نے کہا ہے کہ آئندہ انتخابات کے بعد ہمارے بغیر کوئی حکومت نہیں بن سکے گی۔ اگر کوئی حکومت بنی بھی تو چل نہیں سکے گی۔ پیپلز پارٹی پارلیمنٹرین کے صدر آصف علی زرداری سے پیپلز پارٹی پنجاب کے صدر قمر زمان کائرہ کی سربراہی میں وفد نے ملاقات کی ۔ اس موقع پر زرداری نے کہا کہ جس طرح (ن) لیگ کو سینیٹ نہیں لینے دیا اسی طرح ن لیگ کو حکومت نہیں بنانے دوں گا۔انہوںنے کہا کہ 2013ءمیں ہمارے ہاتھ باندھ کر الیکشن میں اتارا گیا تھا ۔ن لیگ کو دھاندلی کی کھلی اجازت تھی مگر اب 2018ءمیں ایسی صورت نہیں ۔مسلم لیگ (ن) کو اب آٹے دال کا بھاو پتہ لگ جائے گا۔ زرداری نے مزید کہا کہ بلاول بھٹو اور میں پنجاب کے ہر ضلع میں جائیں گے۔ایک کام بلاول بھٹو کا ہے اور ایک کام میرا ہے۔یہ دونوں کام ہی ضروری ہیں۔پیپلز پارٹی نے کسانوں اور سرکاری ملازمین کو جو ریلیف دیا تھا انہیں آج بھی یاد ہے لیکن ن لیگ نے 5 برس میں ان دونوں طبقات کو کچھ نہیں دیا۔ الیکشن میں کسان اور غریب سرکاری ملازمین ن لیگ سے انتقام لیں۔

مزید پڑھیں:خواجہ آصف کو بتادیا شرم کیا ہوتی ہے