ریحام نے عمران کا چہرہ بے نقاب کیا،حنیف عباسی

 اسلام آباد... مسلم لیگ (ن)کے رہنما حنیف عباسی نے کہاہے کہ پیشگوئی کی تھی کہ ریحام خان اپنے ساتھ ہونے والے ظلم پر کتاب لکھے گی۔ عمران خان کا ریحام کے ساتھ نکاح میرے کہنے پر نہیں ہوا تھا۔ ۔ احتساب عدالت میں میڈیا سے گفتگو کرتے ہوئے کہا کہ چور کی داڑھی میں تنکا ہے کہ پی ٹی آئی اس کتاب سے خوفزدہ ہے۔پی ٹی آئی کو شرم آنی چاہئے وہ رمضان المبارک میں ایک خاتون کے بارے جو زبان استعمال کر رہے ہیں۔ انہوں نے کہا کہ عمران خان کا ریحام کے ساتھ نکاح اور طلاق دونوں کی باہمی رضامندی سے ہوا۔ یہ بہت اچھا ہوا کہ ریحام نے الیکشن سے پہلے عمران کا چہرہ بے نقاب کیا۔حنیف عباس نے کہا کہ اگر عمران خان 62، 63 پر پورا اترتے ہیں تو اس ملک کے سارے لوگ صادق و امین ہیں۔

مزید پڑھیں:عمران خان کے خلاف ہرزہ سرائی کیلئے کروڑوں کی پیشکش؟