نواز، مریم اور صفدر کی رہائش کو سب جیل قرار دینے کی درخواست
لاہور: وطن پارٹی کے سربراہ بیرسٹر ظفر اللہ نے سابق وزیر اعظم نواز شریف، ان کی صاحبزادی مریم نواز اور داماد کیپٹن (ر) صفدر کے گھروں کو سب جیل قرار دینے کے لیے عدالت عظمیٰ کی لاہور رجسٹری میں ایک درخواست دائر کی ہے۔ ذرائع کے مطابق درخواست میں موقف اختیار کیا گیا ہے کہ نواز شریف کے خلاف احتساب عدالت میں ریفرنس زیر التوا ہیں۔ 3 مرتبہ وزیر اعظم رہنے والے شخص کے لیے قانونی طور پر گھر کو سب جیل قرار دیا جا سکتا ہے۔ عدالت سے استدعا ہے کہ تینوں کے گھر کو سب جیل قرار دینے کا حکم دیا جائے۔
