مکہ مکرمہ..... ٹریفک حادثے میں ایک شخص جاں بحق 4 انڈونیشی عازمین حج زخمی ہو گئے ۔ سبق نیوز کے مطابق شہر کے مرکزی علاقے میں شارع اجیاد پر ایک گاڑی جس میں 4 انڈونیشی عازمین حج سوار تھے وہاں کھڑی بس سے ٹکرا گئی جس کے نتیجے میں گاڑی کا سعودی ڈرائیور موقع پر ہی جاں بحق ہو گیا جبکہ عازمین کو مختلف نوعیت کے زخم آئے ۔ حادثے کی اطلاع ملتے ہی ہلال الاحمر کی ٹیمیں جائے حادثہ پر پہنچ گئیں جنہو ںنے جاں بحق ہونے والے کی نعش کو سرد خانے جبکہ زخمیوں کو ابتدائی طبی امداد فراہم کرنے کے بعد اسپتال پہنچا دیا ۔
