بلاول پہلی مرتبہ جلوس کی شکل میں پارلیمنٹ جائینگے

  اسلام آباد... پیپلزپارٹی نے چیئرمین بلاول بھٹوزرداری کو پہلی مرتبہ پارلیمنٹ لے جانے کے لئے تیاریاں کرلیں۔ انہیں بڑے جلوس کی شکل میں پارلیمنٹ ہاوس لے جانے کا فیصلہ کیاہے۔ وہ پہلی مرتبہ رکن پارلیمنٹ منتخب ہوئے ہیں۔ پارٹی ذرائع نے بتایا کہ پیر کوبلاول بھٹو کو زرداری ہاوس سے جلوس کی شکل میں پارلیمنٹ ہاوس لے جا یاجائیگا۔واضح رہے کہ بلاول بھٹو زرداری واحد ممبر پارلیمنٹ ہیں جن کے نانا،نانی ،والدہ ،والد، پھپو اور دادا بھی ممبر پارلیمنٹ رہے ہیں جبکہ ان کے ماموں میر مرتضی بھٹو سندھ اسمبلی کے رکن رہے ہیں۔بلاول بھٹو کی نانی نصرت بھٹو پیپلز پارٹی کی چیئرپرسن اور ملکی سیاست میں انتہائی متحرک کردار ادا کرتی رہی ہیں۔انہوں نے اپنے شوہر کی قید کے دنوں میں پارٹی کی قیادت سنبھالی اور ان کی رہائی کے لئے بھرپور سیاسی تحریک چلائی۔ 1979 سے 1984 تک پارٹی کی چیئرپرسن رہیں۔ بے نظیر بھٹو کی کابینہ میںسینئر وزیر بھی رہیں۔ 

مزید پڑھیں:عمران کی حلف برداری میں اپوزیشن بھی مدعو