جعلی اکاونٹس کی تحقیقات کیلئے دبئی سے مدد طلب

اسلام آباد... جعلی اکاونٹس کی تحقیقات کرنے والی جے آئی ٹی نے کیم کراون انٹرنیشنل کے اکاونٹس کی تفصیلات کیلئے دبئی حکومت کو خط لکھ دیا۔ذرائع کے مطابق دبئی میں قائم کیم کراون کمپنی مجید فیملی اور دبئی کے تاجر کی مشترکہ ملکیت ہے جس کی تفصیلات ڈپارٹمنٹ آف انٹرنیشنل جسٹس یو اے ای سے مانگی ہیں۔ذرائع نے بتایا کہ عرب امارات کے محکمہ انصاف سے تفصیلات وزارت خارجہ کے توسط سے مانگی گئی ہیں۔ ذرائع نے بتایا کہ کیم کراون کمپنی کے ذریعے 220 افراد اور کمپنیز کو مختلف ملکوں میں 26 ارب روپے کی ٹرانزیکشنز ہوئیں۔ یہ ٹرانزیکشن مختلف شخصیات کو فرانس، برطانیہ، کینیا، ہند، پاکستان اور سری لنکا میں کی گئیں۔