شیاؤمی می پلے اسمارٹ فون لانچ

چینی کمپنی شیاؤمی نے اپنا نیا اسمارٹ فون می پلے باقاعدہ متعارف کرا دیا ہے۔یہ کمپنی کی پلے سیریز کا پہلا ماڈل ہے ۔ اسمارٹ فون میں 5.84 انچ فل ایچ ڈی پلس ڈسپلے دیا گیا ہے۔ڈسپلے میں واٹر ڈراپ نوچ کو بھی شامل کیا گیا ہے۔اسمارٹ فون میں اینڈرائیڈ اوریو آپریٹنگ سسٹم ، اوکٹا کور میڈیا ٹیک ہیلیو پی 35 پروسیسر ، 4 جی بی ریم اور 64 جی بی اسٹوریج دیا گیا ہے۔ اسٹوریج کو ایس ڈی کارڈ کی مدد سے بڑھایا جاسکتا ہے ۔ اسمارٹ فون کے کیمرہ سیٹ اپ میں پشت پر 12 میگا پکسل اور 2 میگاپکسل کے دو سینسر دیے گئے ہیں۔ سیلفی کیلئے فون میں 8 میگا پکسل کا فرنٹ کیمرہ دیا گیا ہے۔فون کی پشت پر فنگر پرنٹ سنسر کو بھی جگہ دی گئی ہے۔فون کی بیٹری 3000 ملی ایمپیئر آورز کی ہے۔فون کی قیمت 1099 یان ہے اور اسے کالے ، نیلے اور سنہرے رنگ میں فروخت کے لیے پیش کیا گیا ہے۔