محکمہ موسمیات کے مرکز کا کہنا ہے کہ کل بروز جمعہ سے لے کر پیر تک مملکت کے کئی علاقوں میں گرج چمک کے ساتھ بارش کا سلسلہ جاری رہے گا-
سبق ویب سائٹ نے موسمیاتی مرکز کے حوالے سے کہا ہے کہ مکہ مکرمہ اور مدینہ منورہ میں بارش درمیانے درجے سے زیادہ ہوگی جبکہ حائل، قصیم میں درمیانے درجے کی بارش ہوگی- حدود شمالیہ، الجوف، تبوک اور مشرقی ریجن میں بوندا باندی کا امکان ہے-
مزید پڑھیں
-
پہاڑی علاقوں میں بارش کا امکانNode ID: 527086
عاجل ویب سائٹ کے مطابق موسمیاتی ماہر زیاد الجھنی کا کہنا ہے کہ کل جمعہ کو متوقع بارش کا سلسلہ مغربی علاقوں کے ساحلی مقامات سے مکہ اور مدینہ کے علاوہ ابو جبل کے میدان تک رہے گا-
محکمہ موسمیات کا کہنا ہے کہ جمعہ کو شمالی، وسطی اور مشرقی علاقوں میں تیز ہواؤں کے ساتھ درجہ حرارت میں نمایاں کمی کی توقع بھی ہے جبکہ ملک کے اکثر علاقوں میں بادل چھائے رہیں گے-