رمضان میں موٹاپے سے بچنے کے لیے کن چیزوں سے پرہیز ضروری

ماہرین خوراک نے رمضان المبارک میں موٹاپے سے بچنے کے لیے 5 چیزوں سے پرہیز کرنے کا مشورہ دیا ہے-

اخبار 24 کے  مطابق رمضان کے مہینے میں بعض لوگوں کا وزن کھانے پینے کی غلط عادتوں کی وجہ سے بڑھ جاتا ہے- موٹاپے  سے بچنے  کے لیے مندرجہ ذیل مشوروں پر عمل  کیا جائے-

امراض قلب کے ماہر ڈاکٹر النمر نے خبردار کیا ہے کہ سحری میں عربی پلاؤ (کبسہ) نہ کھائیں- اس سے وزن بڑھتا ہے-

چاول اور گوشت کھانے کے فوری بعد سونے سے وزن میں اضافہ  ہوتا ہے-  کم از کم دو گھنٹے بعد بستر پر جائیں-

رمضان میں چھ گھنٹے سے کم نیند لینے کی وجہ سے بھی وزن بڑھ جاتا ہے- نیند کا اہتمام کیا جائے-

رمضان میں افطار اور سحر کے درمیان پانی معقول مقدار میں نہ  پینے کی وجہ سے وزن بڑھتا ہے-

پانی کے بجائے میٹھے مشروبات کے استعمال سے بھی وزن بڑھتا ہے-

رمضان المبارک کے دوران  ورزش چھوڑ دینے کی  وجہ سے بھی وزن بڑھ جاتا ہے-

افطار میں مرغن غذاؤں اور مٹھائیاں زیادہ مقدار میں کھانے سے اور نمکین کھانے زیادہ استعمال کرنے سے بھی وزن بڑھتا ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں