دراندازوں کو ٹرانسپورٹ کی سہولت فراہم کرنے والا غیرملکی گرفتار

سعودی عرب میں مکہ مکرمہ ریجن کی ٹریفک پولیس نے 13 دراندازوں کو دوسرے شہرمیں منتقل کرنے کے الزام میں ایک غیرملکی کوحراست میں لیا ہے۔ 

سعودی خبررساں ایجنسی ’ایس پی اے‘  کے مطابق ریجنل ٹریفک پولیس نے بیان میں کہا کہ ’مکہ مکرمہ میں پولیس ٹیم نے ایک پاکستانی شہری کو گرفتار کیا جو اپنی گاڑی میں غیرقانونی طور پرسرحد پار کر کے آنے والے 13 افراد کو دوسرے شہرمنتقل کررہا تھا۔‘

 جن 13 دراندازوں کو ٹرانسپورٹ کی سہولت فراہم کی تھی ان میں نو چاڈ کے شہری جبکہ تین سوڈانی اور ایک نائجیریا کا باشندہ شامل ہے۔

پولیس نے تمام دراندازوں کو ڈیپوٹیشن سینٹربھجوا دیا جبکہ ٹرانسپورٹ کی سہولت فراہم کرنے کے الزام میں غیرملکی کو پراسیکیوشن کے ادارے کی تحویل میں دے دیا ہے، جہاں اس سے مزید تحقیقات کی جا جاری ہیں۔ 

ریجن پولیس ترجمان نے مزید کہا کہ ’قانون کے مطابق دراندازوں کو کسی بھی قسم کی نقل وحمل کی سہولت فراہم کرنا، انہیں روزگار یا قیام کے لیے جگہ دینا جرم ہے۔ ایسا کرنے والے کو 15 برس قید اور10 لاکھ ریال تک جرمانہ کیا جاتا ہے۔‘

علاوہ ازیں دراندازوں کو نقل وحمل کے لیے فراہم کی جانے والی گاڑی یا گھر جہاں انہیں قیام کی سہولت فراہم کی گئی ہو، وہ بھی بحق سرکار ضبط کر لیا جاتا ہے۔