پاکستان تحریک انصاف (پی ٹی آئی) کے سربراہ عمران خان نے اب تک اپنی جماعت کے اسلام آباد کی طرف ممکنہ لانگ مارچ کی تاریخ کا اعلان نہیں کیا ہے لیکن ان کی پارٹی کے رہنما اور سابق گورنر سندھ عمران اسماعیل نے لانگ مارچ کے لیے ایک گانا گا دیا ہے۔
پی ٹی آئی کے حامی گلوکاروں جواد کاہلوں اور شاہ زمان کی جانب سے ریلیز کیے جانے والے گانے میں عمران اسماعیل کی آواز بھی شامل ہے۔
مزید پڑھیں
-
’پنجاب حکومت عمران خان کے لانگ مارچ کا حصہ نہیں بنے گی‘Node ID: 706466 -
-
پیر کی صبح ریلیز کیے جانے والے گانے کے بول ہیں ’نکلو کپتان کے لیے، نکلو پاکستان کے لیے‘ اور اس گانے کا بظاہر مقصد سابق وزیراعظم عمران خان کی لانگ مارچ کی کال کے لیے لوگوں کو تیار کرنا نظر آتا ہے۔
گانے میں پی ٹی آئی مختلف جلسوں کی جھلکیاں اور موجودہ وزیراعظم شہباز شریف کی حالیہ تقاریر کے مناظر بھی شامل ہیں۔
اس گانے کی ویڈیو کو پی ٹی آئی لیڈر شیریں مزاری نے بھی ایک ٹویٹ میں شیئر کرتے ہوئے متاثر کن قراد دیا۔
After his sensational Rok Sako To Rok Lo, PTI ldr Imran Ismail comes out with another inspiring song Niklo Pakistan Kay Liyay!https://t.co/hHJknlMe33
— Shireen Mazari (@ShireenMazari1) October 10, 2022
خیال رہے سابق گورنر سندھ عمران اسماعیل اس سے قبل بھی شاہ زمان اور جواد کاہلوں کے ساتھ مل کر گانا ’روک سکو تو روک لو تبدیلی آئی رے‘ ریلیز کر چکے ہیں جو کہ پارٹی کے جلسوں میں اکثر سنایا جاتا ہے۔
گانے میں اقوام متحدہ کے سیکریٹری جنرل انتونیو گوتریس کو بھی وزیراعظم شہباز شریف کے ساتھ دکھایا گیا ہے۔
گانے میں ان مناظر کو شامل کرنے پر عبدالجبار ناصر نے ایک ٹویٹ میں لکھا کہ ’سابق گورنر سندھ عمران اسماعیل نے پارٹی کے ترانے میں دانستہ یا غیر دانستہ الفاظ و سین شامل کیے ہیں جو سیلاب متاثرین کی مدد کے لیے پاکستان آنے والے اقوام متحدہ کے سیکریٹری جنرل کی تذلیل پر مبنی ہیں۔‘
سابق گورنر سندھ عمران اسماعیل نے پارٹی کے ترانےمیں دانستہ یا غیردانستہ الفاظ و سین شامل کئےہیں، جو سیلاب متاثرین کی مدد کےلیے پاکستان آنےوالے اقوام متحدہ کے سیکرٹری جنرل کی تذلیل پر مبنی ہیں، بادی النظر میں یہ عمل پاکستان کوتنہا وناکام بنانےکی سازش ہے۔@HamidMirPAK @MurtazaViews https://t.co/Ik4atZlLGU
— Abdul Jabbar Nasir (@ajnasir) October 10, 2022
