ریاض: الملز میں جوازات کا مرکز شام کو بھی کھلا رہے گا

ریاض: شاہی مہلت سے فائدہ اٹھانے کے خواہشمند غیر قانونی تارکین کی سہولت کے لئے محکمہ پاسپورٹ نے ڈیوٹی اوقات میں اضافہ کردیا۔ ریاض کے الملز محلے میں واقع محکمہ پاسپورٹ کا مرکز جہاں واپس جانے والے غیر قانونی تارکین کی کاغذی کارروائی مکمل کی جاتی ہے اب شام کے اوقات میں بھی کھلا رہے گا۔ محکمہ پاسپورٹ میں تعلقات عامہ کے سربراہ بریگیڈیئر سعود الرشود نے کہا ہے کہ الملز میں جوازات کا مرکز اتوار سے جمعرات تک صبح سے رات9بجے تک کھلا رہے گا۔