العلاء میں بننے والی ہالی ووڈ فلم ' قندھار' کا ٹریلر جاری
العلاء میں بننے والی ہالی ووڈ فلم ' قندھار' کا ٹریلر جاری
بدھ 5 اپریل 2023 16:55
ہیرو کا مشن بے نقاب ہونے کے بعد انہیں علاقے سے نکلنے کا راستہ ڈھونڈنا ہے۔ فوٹو عرب نیوز
ہالی ووڈ سٹار جیرڈ بٹلر کی آنے والی ایکشن تھرلر فلم ' قندھار' کا نیا مکمل ٹریلر جاری کر دیا گیا ہے اور اسے مشرق وسطیٰ میں ایگل فلمز کے تعاون سے 26 مئی 2023 کو ریلیز کیا جائےگا۔
عرب نیوز کے مطابق ہالی ورڈ فلم ' قندھار' کی شوٹنگ سعودی عرب کے معروف سیاحتی علاقے العلاء کے صحرا اور نخلستانوں میں کی گئی ہے۔
فلم میں ہیرو ٹام ہیرس کے کردار میں سی آئی اے کے لئے کام کر رہے ہیں۔ فوٹو انسٹاگرام
اس فلم میں اداکار جیرڈ بٹلر کو ہالی ووڈ کے معروف ہدایت کار ریک رومن کے ساتھ ایک بار پھر کام کرنے کا موقع ملا ہے اس سے قبل وہ مل کر 'اینجل ہیز فالن' اور 'گرین لینڈ' جیسی فلمیں بنا چکے ہیں۔
فلم میں جیرڈ بٹلر نے ٹام ہیرس کا کردار ادا کیا ہے جو خفیہ طور پر سی آئی اے کے لئے کام کر رہے ہیں اور افغانستان میں دشمن کے علاقے میں پھنس گئے ہیں۔
ٹام ہیرس کا مشن بے نقاب ہونے کے بعد انہیں اپنے افغان مترجم کے ساتھ قندھار کے علاقے سے باہر نکلنے کا راستہ ڈھونڈنا ہے۔
فلم میں ان کے دشمنوں کی جانب سے خاص فوجیوں اور غیر ملکی جاسوسوں کو ان کا راستہ روکنے کی ذمہ داری سونپی گئی ہے۔
واضح رہے کہ العلاء میں فلمائی جانے والی دیگر فلموں میں ہالی ووڈ اداکار ٹام ہالینڈ کی فلم 'چیری' اور سعودی فلم ڈائریکٹر توفیق الزیدی کی فلم 'نورہ' شامل ہیں جو العلاء میں شوٹ ہونے والی پہلی سعودی فیچر فلم تھی۔
