لیور پول کا انکار، الاتحاد کا اصرار، پیشکش 162 ملین یورو تک بڑھادی 

مصری سپرسٹار فٹبالر محمد صلاح کی جدہ کے الاتحاد کلب میں منتقلی پر لیور پول  نے انکار کردیا تو الاتحاد نے پیشکش ایک سو ملین یورو سے بڑھا کر 162 ملین یورو کردی ہے۔

سبق ویب سائٹ کے مطابق الاتحاد کلب نے لیورپول انتظامیہ کو پیشکش قبول کرنے پر قائل کرنے کی کوششیں مزید تیز کردی ہیں۔

مبصرین نے کا کہنا ہے کہ الاتحاد کلب سٹار فٹبالر محمد صلاح کو اپنے ساتھ شامل کرنے کی پوری کوشش کر رہے ہیں۔

تاہم اس کے مقابلے میں لیورپول ٹیم اور اس کے منیجر ٹیم کو محمد صلاح کے بغیر دیکھنے کے لیے تیار نہیں۔

واضح رہے کہ محمد صلاح نے لیورپول کے ساتھ 2025 تک معاہدہ کر رکھا ہے۔ وہ 2017 سے ٹیم میں منتقل ہوئے تھے۔