امریکی وزیر خارجہ انتونی بلنکن غزہ میں تازہ ترین پیش رفت کے بارے میں بات چیت کے لیے بدھ کو جدہ پہنچے ہیں۔
عرب نیوز کے مطابق ریاض میں امریکی سفارتخانے نے بتایا کہ بلنکن سعودی رہنماوں کے ساتھ بحیرہ احمر اور خلیج عدن کی صورتحال پر بھی تبادلہ خیال کریں گے۔
امریکی وزیر خارجہ جمعرات کو مصر جائیں گے۔
امریکی محکمہ خارجہ کے ترجمان میتھیو ملر نے منگل کو کہا تھا کہ جدہ اور قاہرہ کے دورے میں بلنکن فوری جنگ بندی کے معاہدے تک پہنچنے کی کوششوں پر تبادلہ خیال کریں گے جو تمام یرغمالیوں کی رہائی کو یقینی بنائے گا۔
