اسلام آباد ...سابق صدر آصف علی زرداری نے کہا ہے کہ نواز شریف کو اس کے کئے کی سزا ملی۔ نواز شریف عدالتوں کا سامنا کریں ، ہم نے بھی عدالتوں کا سامنا کیا۔ آئندہ عام انتخابات کے بعد حکومت پیپلز پارٹی بنائے گی ۔ جمعرات کو اسلام آباد میں رکن قومی اسمبلی نواب علی وسان سے ملاقات کے دوران سابق صدرنے کہا کہ ہمارے خلاف جھوٹے مقدمات بنائے گئے ۔ عدالتوں کاسامناکیا اور سرخروہوئے۔ نواز شریف بھی عدالتوں کا سامنا کریں ۔ انہوں نے کہا کہ عام انتخابات 2018 میں ہوں گے،پورے ملک میں پیپلز پارٹی حکومت بنائے گی۔ عمران خان کے ہاتھ میں حکومت اور وزیر اعظم بننے کی لکیر نہیں ۔
