پاکبانوں کے قانونی مسائل حل کرانے کیلئے اقدامات
تبوک (طارق نورالہیٰ) پاکستانی سفارتخانے کے ویلفیئر قونصلر عبدالشکور شیخ نے تبوک میں مقیم پاکبانوں کے قانونی مسائل حل کرنے کیلئے قانونی مشیر عبدالکریم قاضی کے ہمراہ خصوصی دورہ کیا۔ انہو ںنے تبوک کے جیل و ترحیل حکام نیز پاک کمیونٹی سے ملاقاتیں کیں۔ کفیلوں سے معاملات حل کرانے کیلئے اقدامات کئے۔ انہوں نے کمیونٹی کے ایک بڑے اجتماع سے خطاب کرتے ہوئے مشورہ دیا کہ پاکبان کفیلوں کے ساتھ معاملات سلجھانے کیلئے اچھی حکمت عملی اپنائےں۔ کفیلوں کی جانب سے زیادتی کی صورت میں درست قانونی طریقہ اختیار کریں۔ عبدالشکور شیخ نے اس موقع پر غیر قانونی تارکین کیلئے مقرر مہلت کے حقدار پاکبانوں کو آﺅٹ پاس بھی جاری کرائے۔
