غار حراء کی چوٹی سے پتھر گرنے سے پاکستانی خاتون جاں بحق

مکہ مکرمہ: غار حراء پہاڑ کی چوٹی سے پتھر گرنے سے ایک پاکستانی معتمر خاتون جاں بحق ہوگئیں۔ چوٹی سے گرنے والا بھاری پتھر خاتون کے سر پر گرا جس کی وجہ سے وہ موقع پر ہی جاں بحق ہوگئیں۔ اطلاع ملتے ہی شہری دفاع کی ٹیمیں موقع پر پہنچ گئیں اور متوفی خاتون کو مقامی اسپتال کے سرد خانے منتقل کیا۔ المعابدہ پولیس نے واقعہ کی تفصیلات جاننے کے لئے تفتیش کا آغاز کردیا ہے۔