Sorry, you need to enable JavaScript to visit this website.

مرجان رنگ صرف لباس میں نہیں ، ہونٹوں پر بھی ‎

لپ اسٹک میں آپ کے بہت سے پسندیدہ شیڈز ہوتے ہیں  جو آپکی شخصیت کو  بھر پور  اور دلفریب اندازمیں پیش کرنے کی صلاحیت رکھتے ہیں .  یہ چہرے کی تازگی اور دلکشی کو برقرار رکھتے ہیں  اور شخصیت کو پرکشش بناتے ہیں . اس سال کا پسندیدہ رنگ مرجان چنا گیا ہے اور یہ رنگ لپ اسٹک میں بھی نہایت خوبصورت اور پرکشش تاثر پیش کرتا ہے . 
اکثر خواتین لپ اسٹک کے حوالے سے  خاص ذوق کی حامل ہوتی ہیں .  انکی پسند مدھم اور گہرے رنگ کے بجائے  لباس سے امتزاج پر مبنی ہوتی ہے .  لباس کی ہم رنگ لپ اسٹک کا فیشن اب پرانا ہو چکا  . نئے ٹرینڈز کے مطابق  لباس سے کنٹراسٹ میں لپ اسٹک منتخب کریں . 
کاسنی گلابی رنگ جس میں گلابی کی دلفریب جھلک موجود ہے ، تازگی اور دلکشی فراہم کرتا ہے  . یہ رنگ روایتی سرخ  اور کتھئی لپ اسٹک سے مختلف بھی ہے  اور فیشن ایبل بھی .  اگر آپ باربی ڈول  جیسا لپ کلر ہونٹوں پر سجانا چاہتی ہیں  تومقبول ٹرینڈ کے مطابق گلابی رنگ کا انتخاب کریں . گلابی کا ایک اور خوبصورت شیڈ گل لالہ گلابی ہے  جس میں میشا اور مرجان کی جھلک پائی جاتی ہے .  یہ برائٹ اور بولڈ رنگ کے طور پرپہچانا جاتا ہے  . سادہ چہرے اور مدھم رنگت  کو بھی اس رنگ کی لپ اسٹک خوبصورتی سے سجانے کی صلاحیت رکھتی ہے .  یہ رنگ آپکی نزاکت اور نفاست میں اضافہ کرنے کا سبب بنتا ہے . 
یہ بھی پڑھیں:گرتے بالوں کی روک تھام کیسے ممکن بنائیں

شیئر: