نیویارک..... امریکہ میں اپنے دادا کو قتل کرکے قتل کی وڈیو فیس بک پر جاری کرنے والے شخص نے پولیس تعاقب کے دوران خودکشی کرلی۔ امریکی ذرائع ابلاغ کے مطابق 37 سالہ ملزم اسٹیوا سٹینفز جس کا ذہنی توازن درست نہیں تھا اپنے 74 سالہ دادا رابرٹ گوڈون سینیئر کو فیس بک پر براہ راست وڈیو بناتے ہوئے دن دہاڑے قتل کرکے فرار ہوگیا تھا۔ فیس بک کی انتظامیہ نے اس وڈیو کو شدید تنقید کے بعد ویب سائٹ سے ہٹا دیا تھا۔ ملزم کو کمپنی کے ایک ملازم نے شناخت کرکے امریکی ریاست پنسلوانیا کی پولیس کو اطلاع دی۔ پولیس نے تعاقب کرکے اس کی گاڑی روک لی لیکن پولیس اہلکاروں کے پہنچنے سے پہلے ہی ملزم نے اپنی جان لے لی۔
دادا کو قتل کرنے والے کی خودکشی
