انڈیا نے نیوزی لینڈ کو تین ون ڈے میچز کی سیریز کے پہلے میچ میں 12 رنز سے شکست دے کر سیریز میں 0-1 کی برتری حاصل کرلی ہے۔
بدھ کے روز حیدرآباد دکن میں کھیلے گئے میچ میں انڈیا نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 8 وکٹوں کے نقصان پر 349 رنز بنائے۔
انڈیا کی جانب سے شبمان گِل نے 208 رنز بنائے جب کہ ان کے علاوہ کوئی بیٹر ففٹی بھی نہ بنا سکا۔
مزید پڑھیں
-
بُرے وقت میں مایوس اور خبطی ہو گیا تھا: وراٹ کوہلی
Node ID: 734181
-
-
نان سٹرائیکر اینڈ پر منفرد طریقے سے ایک اور بیٹر رن آؤٹ ہو گیا
Node ID: 735341
شبمان گِل کے علاوہ کپتان روہت شرما نے 34، سوریا کمار یادو نے 31 اور ہاردک پانڈیا نے 28 رنز بنائے ہیں۔
نیوزی لینڈ کی جانب سے ہینری شپلی اور ڈیرل مچل نے 2،2 وکٹیں حاصل کیں۔
پنجاب سے تعلق رکھنے والے 23 سالہ اوپنر نے 149 گیندوں پر 19 چوکوں اور 9 چھکوں کی مدد سے 208 رنز بنائے۔
شبمان گِل ون ڈے کرکٹ میں ڈبل سینچری بنانے والے پانچویں انڈین بیٹر بن گئے ہیں۔
صرف یہی نہیں اس تاریخی اننگز کے بعد انہوں نے دنیائے کرکٹ میں ڈبل سینچری بنانے والے سب سے کم عمر کھلاڑی ہونے کا ریکارڈ بھی اپنے نام کر لیا ہے۔
اس سے پہلے انڈیا کے ہی ایشان کشن نے چھ ہفتے قبل بنگلہ دیش کے خلاف ڈبل سینچری بنا کر یہ اعزاز اپنے نام کیا تھا جو اب ان کے ساتھی کھلاڑی کے پاس ہے۔
A SIX to bring up his Double Hundred
Watch that moment here, ICYMI #INDvNZ #TeamIndia @ShubmanGill pic.twitter.com/8qCReIQ3lc
— BCCI (@BCCI) January 18, 2023
شبمان گِل کی ڈبل سینچری کے بعد سماجی رابطوں کی ویب سائٹ ٹوئٹر پر ان کی خوب تعریف کی جا رہی ہے۔
سابق انڈین کرکٹر یوراج سنگھ نے اپنی ٹویٹ میں کہا کہ ’ون ڈے میچ میں 200، وہ بھی اس عمر میں، کمال ہے، شبمان کے والد اور میرے لیے بہت فخر کا دن ہے، مبارک ہو، پورے ملک کو آپ پر فخر ہے۔‘
200 in a one day game !! At such a young age incredible unbelievable!! A very proud day for me and shubmans dad !!!congratulations @ShubmanGill the whole country is proud of you #NZvsIND
— Yuvraj Singh (@YUVSTRONG12) January 18, 2023
سابق انگلش کپتان مائیکل وان کہتے ہیں کہ ’چند برس قبل میں نے سوچا تھا کہ شبمان گِل میں دنیا کا سب سے بہترین کھلاڑی بننے کے آثار ہیں، لگتا ہے انہوں نے اب اس پر یقین کر لیا ہے، شاندار اننگز۔‘
For a few years I have thought @ShubmanGill has the gift to be one of the best in the world .. looks like he is starting to believe now .. incredible innings .. #INDvNZ
— Michael Vaughan (@MichaelVaughan) January 18, 2023
کرک ٹریکر نامی ایک ہینڈل نے کہا کہ ’شبمان گِل نے ایسی باری کھیلی ہے جو برسوں یاد رکھی جائے گی۔‘
Shubman Gill has played a knock to remember for ages!#India #ShubmanGill #INDvsNZ #Cricket #CricTracker pic.twitter.com/FMgXUMJFjk
— CricTracker (@Cricketracker) January 18, 2023
جونز نے لکھا کہ ’شبمان گِل 23 سال کے ہیں، یہ مستقبل ہیں، ایک لیجنڈ اپنے سفر میں ہے۔‘
Shubman Gill is just 23, he is the future.
A legend in making. pic.twitter.com/zCNpjSTESQ