سعودی عرب میں ماحولیاتی سلامتی کے خصوصی دستوں نے ریاض کے ایک محلے میں گھومنے والے شیر کو قابو کرکے متعلقہ ادارے کے حوالے کردیا۔
ریاض کے ایک محلے میں گھومنے والے شیر کو قابو کرکے شہریوں کو خطرے سے محفوظ کردیا گیا۔
سبق ویب سائٹ کے مطابق ماحولیاتی سلامتی سپیشل فورس نے کہا ہے کہ ’ایسے جانوروں کا کاروبار جن کی نسل معدوم ہوتی جارہی ہو قابل سزا جرم ہے‘۔
’اس پر دس برس تک قید اور 30 لاکھ ریال تک جرمانے کی سزا ہے دونوں سزاؤں میں سے کسی ایک پر اکتفا کیا جاسکتا ہے‘۔
سپیشل فورس نے اپیل کی کہ’ جنگلی حیاتیات یا ماحولیات کو نقصان پہنچانے کی کوئی کوشش کسی کے علم میں آئے تو وہ اس کی رپورٹ کریں‘۔