پاکستان کے وزیر دفاع خواجہ آصف کو سوشل میڈیا پر تنقید کا سامنا کرنا پڑ رہا ہے اس کی وجہ ان کی پارلیمنٹ میں کی جانے والی تقریر ہے جس میں انہوں نے پاکستان تحریک انصاف (پی ٹی آئی) کے چیئرمین عمران خان پر تنقید کی اور پارٹی سے منسلک خواتین سینیٹرز کے لیے نامناسب الفاظ استعمال کیے۔
منگل کو وزیر دفاع خواجہ آصف نے پارلیمنٹ کے مشترکہ اجلاس میں پی ٹی آئی کے چیئرمین اور خواتین سینیٹر کو شدید تنقید کا نشانہ بنایا اور کہا کہ ’یہ کوڑا کرکٹ ہے جسے ہمیں صاف کرنا پڑے گا۔‘
پارلیمنٹ میں خواجہ آصف کے نازیبا الفاظ پر پی ٹی آئی کی خواتین سینیٹرز نے احتجاج کیا جس کے بعد سپیکر قومی اسمبلی راجہ پرویز اشرف نے اس کا نوٹس لیتے ہوئے وزیر دفاع کے الفاظ کو اسمبلی کی کارروائی سے حذف کرنے کا اعلان کیا۔
مزید پڑھیں
-
گھروں پر چھاپے، سیاسی مخالفین سے معافی مانگتا ہوں: خواجہ آصفNode ID: 764251
خواجہ آصف نے سابق وزیراعظم عمران خان پر مزید تنقید کرتے ہوئے کہا کے ’جس شخص کا دفاع خواتین کریں اس شخص کی جرات و بہادری کیا ہوگی۔‘
پاکستانی وزیر دفاع اپنی متنازع تقریر کے بعد سوشل میڈیا پر بھی حدف تنقید بنے ہوئے ہیں۔
اینکرپرسن ابصا کومل نے لکھا کہ ’ایسا پہلی بار نہیں ہوا کہ خواجہ آصف نے خواتین سیاستدانوں کے خلاف ہتک آمیز الفاظ استعمال کیے ہوں وہ بھی پارلیمنٹ کے فلور پر کھڑے ہو کر۔‘
مقدس فاروق اعوان لکھتی ہیں کہ ’یہ بیان وہ شخص دے رہا ہے جس کی اپنی جماعت کی صدارت خاتون کرتی ہیں۔ خواجہ صاحب سیاسی خواتین کی بے عزتی کرنا آپ اپنا مشغلہ کیوں سمجھتے ہیں؟‘
انہوں نے مزید لکھا کہ ’خواتین کو کمزور سمجھنا چھوڑ دیں اور اپنا بیان واپس لیں۔‘
خواجہ آصف نے آج عمران خان پر تنقید کے چکر میں پی ٹی آئی کی بہادر سیاسی خواتین کی توہین کر دی،کہتے ہیں کہ جس شخص کا دفاع خواتین کریں گی اس کی بہادری کیا ہوگی،پی ٹی آئی خواتین سینیٹرز کو بھی کوڑاکرکٹ کہہ دیا،یہ بیان وہ شخص دے رہا ہے جس کی اپنی جماعت کی صدارت ایک خاتون کرتی…
— Muqadas Farooq Awan (@muqadasawann) July 25, 2023
طارق لودھی نے ایک ٹویٹ میں لکھا کہ ’بیٹیاں اللہ کی رحمت ہوتی ہیں خواجہ صاحب، آخرت میں بھی آپ کو ماں کے نام سے اٹھایا جائے گا اور ماں کے پیروں کے ہی تلے جنت ہے۔‘
انہوں نے وزیر دفاع سے درخواست کی کہ وہ خواتین کے خلاف کی گئی اپنی تقریر پر معذرت کریں۔
بیٹیاں اللہ کی رحمت ہوتی ہیں خواجہ اصف صاحب اور اخرت میں بھی اپ کو جو ہے ماں کے نام سے اٹھایا جائے گا اور ماں کے پیروں کے ہی تلے جنت ہے وہ بھی ایک خاتون ہیں تو اپ کا اپنے بارے میں کیا خیال ہے۔ اپنے الفاظ کو واپس لیں۔@CMShehbaz @KhawajaMAsif #PMLN #ISPR pic.twitter.com/4RZyon4wiP
— Tariq Lodhi (@Tariqlodhee) July 25, 2023
خواجہ آصف کی تقریر کے دوران ان کے پیچھے پاکستان پیپلز پارٹی (پی پی پی) کے رہنماؤں نوید قمر اور شیری رحمان کو بھی بیٹھے ہوئے دیکھا جا سکتا ہے۔
فخر الرحمان نے ان پر تنقید کرتے ہوئے لکھا کہ پی پی پی کے رہنماؤں نے خواجہ آصف کے بیان کی مذمت کرنے کی زحمت بھی نہ کی۔
While the defence Minister Khawaja Asif was using derogatory, anti feminine shameful language against PTI Senators during joint session Parliament, PPP Senator Sherry Rehman gleefully watched episode , not bothered to condemn it. pic.twitter.com/AJOAyRa7Us
— Fakhar Ur Rehman (@Fakharrehman01) July 25, 2023
ایک اور صارف نے لکھا کہ ’کہنے کو 50 سال سے زیادہ سیاست اور پارلیمنٹ کے بار بار ممبر رہے ہیں مگر اسی پارلیمنٹ میں موجود خواتین کی عزت کرنا کبھی نہ آئی۔‘
یہ ہیں بد کلام، بد زبان اور بدتمیز وزیر دفاع خواجہ آصف ۔۔۔ کہنے کو 50 سال سے زیادہ سیاست اور پارلیمنٹ کے بار بار ممبر رہے مگر اسی پارلیمنٹ میں موجود خواتین کی عزت کرنا کبھی نا آئی۔ #KhawajaAsif #PMLN #Parliament #PTI pic.twitter.com/lWbPmIuWo8
— Ehsan Dogar (@ehsandogar) July 25, 2023