وفاقی وزرا کا حلف اٹھانے والی غیرمنتخب شخصیات کون سی ہیں؟
خیبرپختونخوا حکومت آغاز میں ہی داخلی اختلافات کا شکار کیوں؟
وفاقی کابینہ کا حلف: کیا پاکستان 80 کی دہائی کی طرف پلٹ رہا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کے نئے وزیر خزانہ کے لیے آئی ایم ایف سے قرضے کا حصول سب سے بڑا چیلنج ہو گا، بلومبرگ
امریکی جریدے بلومبرگ نے اپنی ایک رپورٹ میں کہا ہے کہ پاکستان کے نئے وزیر خزانہ محمد اورنگزیب کے لیے سب سے بڑا چیلنجز آئی ایم ایف سے کم سے کم چھ ارب ڈالر نئے قرضے کا حصول ہو گا۔
وزیراعظم شہباز پہلے ہی کہہ چکے ہیں کہ پاکستان کو ترجیحی بنیادوں پر عالمی مالیاتی ادارے (آئی ایم ایف) سے نیا قرضہ حاصل کرنے کی ضرورت ہے۔
سنگاپور میں جے پی مورگن کے گلوبل کارپوریٹ بینک کے سابق سی ای او محمد اورنگزیب ایک تجربہ کار بینکر ہیں جو گزشتہ چھ سال حبیب بینک کے سربراہ تھے۔
محمد اورنگزیب کی تقرری سے اندازہ ہوتا ہے کہ شہباز شریف ملکی معیشت کو ٹھیک کرنے کے لیے ٹیکنوکریٹس کی مدد کرنا چاہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبے کے واجبات اور آئینی حقوق کے لیے تمام دستیاب فورمز پر بھر پور آواز اٹھائی جائے گی، علی امین گنڈاپور
وزیراعلٰی خیبر پختونخوا علی امین خان گنڈاپور کی زیر صدارت وفاق سے جڑے صوبے کے مالی معاملات سے متعلق اہم اجلاس منعقد ہوا۔
متعلقہ حکام کی جانب سے وزیراعلٰی کو وفاق کے ذمے صوبے کے واجبات اور دیگر مالی امور پر تفصیلی بریفنگ دی۔
وزیراعلٰی نے اعلٰی حکام کو ہدایت کی کہ ایک مہینے کے اندر اس سلسلے میں ہوم ورک مکمل کر کے پلان آف ایکشن مرتب کیا جائے۔
’وفاق سے جڑے صوبے کے مالی معاملات کا کیس مؤثر انداز میں پیش کرنے کے لیے تمام متعلقہ دستاویزات تیار رکھی جائیں۔‘
انہوں نے کہا کہ صوبے کے واجبات اور آئینی حقوق کے لیے تمام دستیاب فورمز پر بھر پور آواز اٹھائی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پشاور میں پولیس موبائل پر شدت پسندوں کی فائرنگ، دو ہلاک ایک زخمی
خیبر پختونخوا کے دارالحکومت پشاور میں مچنی گیٹ کے علاقے میں پولیس موبائل پر شدت پسندوں کی فائرنگ سے دو اہلکار ہلاک اور ایک زخمی ہوئے ہیں۔
منگل کو پولیس حکام نے بتایا کہ پولیس اہلکار معمول کی گشت پر تھے جب ان پر فائرنگ ہوئی۔
کانسٹیبل اجمل اور سراج جان سے گئے جبکہ موبائل افسر مظہر اے ایس آئی زخمی ہو گئے۔
ڈی ایس پی ورسک سرکل امتیاز عالم کے مطابق بڑے پیمانے پر سرچ آپریشن جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چین سی پیک فیز ٹو میں پانچ نئے کوریڈور بنانے کے لیے تیار: احسن اقبال
وفاقی وزیر برائے منصوبہ بندی احسن اقبال نے کہا ہے کہ چین سی پیک فیز ٹو میں پانچ نئے کوریڈور بنانے کے لیے تیار ہے۔
اسلام آباد میں میڈیا سے گفتگو میں احسن اقبال نے کہا کہ 16 ماہ کی حکومت میں محنت کر کے سی پیک پر چین کا اعتماد دوبارہ حاصل کر لیا تھا۔
احسن اقبال نے مزید کہا کہ چین کے پانچ نئے کوریڈور کی پیشکش کو حقیقت میں ڈھالیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک میں مثبت اور تعمیری صحافت کو فروغ دیں گے، عطا اللہ تارڑ
وفاقی وزیر عطا اللہ تارڑ نے وزارت اطلاعات و نشریات میں اپنے عہدے کا چارج سنبھال لیا۔
منگل کو وزارت اطلاعات میں اپنے دفتر آمد پر وفاقی وزیر عطا اللہ تارڑ نے کہا کہ وزارت اطلاعات کے دروازے صحافی برادری کے لیے کھلے رہیں گے۔
’ملک میں مثبت اور تعمیری صحافت کو فروغ دینے اور حکومت اور میڈیا کے درمیان تعلقات کو مزید مضبوط بنانے کی ضرورت ہے۔‘
انہوں نےکہا کہ حکومتی اقدامات اور پالیسیوں کو عوام تک پہنچانے کے لیے میڈیا کے ساتھ مل کر کام کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
